يسعد أيامكم بالخير والمسرات اطرح بين ايديكم هذة القصيدة لعل ان تنال اعجابكم
ولكم احترامي وتقديري
الله من قلباً كفخ كفخت الطير = طير الحرار اللي يرف الجناحــي
عليك ياللي دونك طويق والنير = والعاصمة تلبس لشوفك وشاحي
كبدي بعدكم كن فيها سواطيـــر = ومن بعد سيد الزين عفت المراحي
ودموع عيني من سببكم شخاتير = مــا فـادها كثــر البكــا والنــيــاحــــي
والروح كن يدق فيها المسامير = وحالي كثر فيها العنـــاء والجــراحـي
عيفتني يازيــن طــرد الغناديــر = وكرهتني سوق الــذهــب والطــراحي
من عينها أزريت لاقف ولاسيــر = ومن رمشها ترسل عليه رمـاحــي
وجدي عليها وجد راع المغاتيــر = من غبن ذوده كل مــاقــام طـــاحـي
سروبها الشجعان وارسل مداوير = وذبحو مداويـره وراحـت مــراحـي
وباقي أمل واحد وفي عمره صغير = ارجي عسى يكبر ويبداء أرتيــاحــي
ورجاي اشوفه رجل بين المناعير = لاكثرو العدوان يصبح سلاحــي
سلمان ما غيره من اخواني الغير = هو نون عيني جـد ماهــو مزاحــي
وسلامتــــــــــــكم
سلمــــــان
العرض العادي
