بسم الله الرحمن الرحيم
السلااااااااااام عليكم ورحمة الله وبركاته 00
\ ال رمال من غفيله من سنجاره من زوبع من شمر \
فخذ ينتمي اليه الكثير من الفرسان الشجعان والكرماء والشعراء 0
وهنا اضع بين ايديكم بعض المقتطفات الشعريه لشعراء \ الرمال \
0000000000
الشيخ \ غضبان بن نحيطر الرمالي
كنيته اخو دليل عاش زعيما لقومه في نهاية القرن الثالث عشر هجري توفى رحمه الله في عام 1346 تقريبا
وفي احد زياراته للملك عبدالعزيز رحمه الله وفي احد الجلسات قال له الملك مداعبا \ شيبت ياخو دليل \
فالتفت اليه وهو يقول 00
الرجل ليا شاب عاب 00 وانا ليا شبت طبت
تسمع جضيض الركاب 00 قفوي ليا مني ركبت
000000000000
الشيخ \ عجلان بن رمال
داهيه من دواهي قبيلة شمر ويعتبر من العوارف في زمنه كثير ماشارك في معارك قبيلته
هاجر في اواسط القرن الثالث عشر الى الجزيره 0
ويقول وهو يتقصى اخبار قبيلته في حائل عند بن هذال
متى يجيني طارش فوق مجحود 00 يعلمن عن ديرتي وش جرى به
هلي على ماجاني سهود ومهود 00 والابه الاخوان سواة الذيابه
000
وهنا يخاطب
ياقيس قم لمك عسى ماتقومي 000 حيثك صغير وتفهم العلم ياقيس
ياقيس وين مفتخين الرشومي 000 اللي لهم عوص النجايب عواميس
ماتقل طقو لصياني بشومي 000 ولاتقل ناد وتالي لليل بقعيس
ياحيف قصر الضياغم بدابه ثلومي 000 ومضيفهم داجة عليه الرواميس
عقب الضياغم جعلها ماتدومي 000 خله يعله للشياطين وبليس
0000
وقال في الهجن 0
ياراكبا حمرا عليها السليمي 000 حط القطيما فوق ساقه وداره
حمرا تضيم القاع ماتستضيمي 000 حمرا وبحدري ساقها تقل فاره
00000000000000000
الشيخ \ عياده بن عبيكه الرمالي راعي قنا
يقول 000
لاضاق بالي جبت وقدة جذامير 00 وشبيت نار مثل نار الحرابه
ثم احترقت وجبت عوج المناقير 00 على سنا نار يزيد التهابه
لاشفت الطرقي يلج لجة الطير 00 خطر على العذرا تمنى خضابه
ان سانعت نحط كبش على مير 00 وان عاضبت يسد قولة هلابه
0000000000000000
الشاعر \ مبارك بن عبيكه الرمالي 0
اشتهر بقصيدته عن القهوى والقصائد في القهوى كثيره عند الباديه ولقد اهتموا بهذا الجانب
يقول 000
قم يالمقهوى دن نجر ومحماس 00 واحمس لنا من حب صنعا نماها
وصب لمرور على الخيل مدباس 00 تقفى عنه صم الرمك لانصاها
من فوق ماتاخذ على الخيل مرواس 00 لاجدعت خبثات الانفس حذاها
واثنه لمن حوله على الزبر جلاس 00 اهل السموت اللي بعيد مداها
ابن عبيكه هرجته مابها باس 00 تطرب لها كرام اللحى من حلاها
الى ان يقول 0
نرحب بهم من قبل تجديع الالباس 00 نقلط لهم تمر الحلا من نماها
ونذبح لهم كبش مربع الاطعاس 00 نقلطه من قبل يقرب مساها
هذي سلوم جدودنا قبل من راس 00 واللي بعدنا كان ربي هداها
00000000000000000
الشاعر \ شرعان بن فهيد بن فاران الرمالي 0
من اهالي قرية جبه شمال حائل 0 اراد محاربة بعض القبيله من اجل السلطه قالوا جماعته لايمكن
اقناعه بالعدول عن الفكره الا عن طريق زوجته لانه يحبها وبالفعل اقنعوها ان تكلمه ولكن عندما كامته
انزعج وتكبر ان يطيع كلام امرأه وضربها وطلقها وعندما راجعهم متحسفا يريد زوجته حرموها عليه
يقول في قصيدته 0000
ياراكبن ثنتين يشدن الاقواس 00 من دار ريضان الحجر حركني
مافوق كود الدويرع وجلاس 00 وسفايف بين اربع يلعبني
الى ان يقول 00
ولبا لفيتوا عند مدقوق الالعاس 00 الجادل اللي بالمحبه محني
قولوا على حبل الرجا نطوي الياس 00 والبيض غيره كلهن يحرمني
الى ان يقول 00
لي بنت عمن ماوطت درب الادناس 00 ولادنست يوم النسا يدنسني
ضربتها وانا احسب الضرب نوماس 00 طلقتها يوم افخت العقل مني
الى اخر القصيده 0
0000000000000000000
الشاعر \ عادي بن رجا بن عادي الرمالي
يقول 00
عند الجود كلك جود اجود من سريع النود 000
بذلت ولاخذلت ولاعذلت فلان وفلاني
خلق ربي يمينك من ندى والكف به ممدود 000
من صخا ماهي مزاج احيان وحياني 0
0000000
وشكراااااا
\\ ملاحضه \\ من لديه اي اضافات عن الشعراء من قصائد ارجوا اضافتها للاهميه
وان كان هناك اي غلط ارجوا تصحيحه 00
تحيااااااتي للجميع
اخوكم \ عايش الزوبعي
شعراء من شمر ( ال رمال )
العرض العادي
