يابوي عطني على الجيب لودوره= ابقضب الخط واكفخ يم خلاني
ابطيت يابوي وانا ماشفتها نوره=ابطيت والزين بدياره يتحراني
ولو ماحصل جيبكم شيكنا ماطوره=عايرناهوى الكفر والفورد وداني
وش حيلة العاشق اللي فاقد نوره؟؟=امسي واصبح بها والنوم ماجاني
لاهيفا ولاشيخه لانجلا ومستوره=يبطن جميع البني ماجن بوجداني
من زود مااغليها تطري حتى بحضوره=اغليها لكن غلاها حيل اشقاني
واخاف من ساعه اكشف بها العوره=والناس تاتي على ذكره وتنساني
يابوي تكفى مشاعر شوقي مسعوره=ابي العذرلو سمحت ارجوك نصحاني
انصح هبيل تولع ما هو بشعوره= فاقد صوابه بغلاها كنه سكراني
من شاور الشايب اللي راجح شوره=ماخاب في شوره ولابات ندماني